நேர சாயல்

நேர சாயல் அடுகளம் நோக்க
எங்கேயும் ஏங்கும் வேனில் ஒண்பூ
காட்டும் வெளிச்சம் தொடர்ந்திட
அரிகரையானும் புதுப்பாச்சையும் புக
அசை அட்டை சூழ் அறைக்குள்
காதற் பரத்தையும் காமக்கிளத்தியும்
எதுக்கும் எதுவும் உவமை ஆகலாம்

தூரம் உறைந்த கேள்விக்குள்
முட்டையான எழுத்துகள் கதப்பில்
பெரு வாழ்வு தேடி பக்கம் உரசிட
தூரவெளி மென்துகள் உடைத்து
ஆதிநீண்ட பேச்சு அநேகமாக
நீள்கோள உருவேற்று சுற்றித்திரியலாம்
தொன்மம் சாத்திய வரலாறெங்கும்
அடைக்காக்கும் மையேறிய கருங்கல்
குட்டிகள் உள்ளங்கை குவி குழிநீர்
குடித்து மிச்சத்தில் தேங்காத
கனவில் நிழல் தடவியே சிறகிடும்.

வினோத வணக்கம்.

17