நிமித்ததிற்குத் தங்கும் வேரூர் நாட

பருவத்திற்கு வந்து தங்கிய

கருவக் காடெங்கும் பூத்து

வெண் ஊமத்தையாய்

குவிந்த மடையான்களின்

கொக்களிக்கும் ஒலியிலும்

உலக முதலாமையாய் நகரும்

நிமித்ததிற்குத் தங்கும் வேரூர் நாட

என் பெயர்ச்சியும்

உன் ஓட்டின் மீதே

வயல்களில் வெள்ளம்

போர்களின் ஆட்டங்களின்

காடு போட்ட குட்டிகளும் சேர்ந்து

சண்டை பிடிக்கின்றன

அழுத்தம் தாங்காத அடியும்

ஆட்டம் பொறுக்காத தலையும்

இணைந்து இடையில் மாட்டிய

ஏதோ இரண்டு மூன்றும் பலவும் மட்டும்

மீண்டும் மீண்டும் மிஞ்சிய கணமே மேகம்  
மறைவில் திரண்ட கருப்பு யானைகள்

எய்திய நிறம் தெரியாத அம்புகளால்

என்றுமே வயல்களில் வெள்ளம்.