கடல் கழுவிய மணல்

கடல் கழுவிய மணலில்

எளைந்த நண்டு

கொஞ்சம் நறைய

எளைந்து எளைந்ததில்

வளை ஆழமாகி

கீழடியில் சிக்கியது

ஏறத்தெரியாமல் ஏறி

மாட்டின் மீது ஏறியது.

கோழி முட்டையிட மறந்தது.

ஆற்றில் வெள்ளம் பொங்கி

வாய்க்கால் வரப்பினைத் தாண்டி

கன்னிக்குள் செல்ல மறுத்த  பொழுது

தலைவன் அல்லல் குறிப்பட்டு திரும்பி

போனதை ஆக்காட்டி குருவி கூச்சல்

கூறியதைத் துறந்து கனவுக் கண்ட

கோழி முட்டையிட மறந்தது.

கால்(கை) விட்ட அறம்

அறத்தோடு நின்று நின்று

தோழிக்குக் கால் வலித்தது

கால்(கை) விட்ட  அறம்

வெடுப்பிற்குள் நட்டு வைத்த

நாற்றின் இல்லாத நுனியில்

நின்று ஆடியது.

கானல் வீரர்களின் பெருங்கூட்டம்.

முருங்கை கீரை உருகும் பொழுது

காம்புகளுக்கிடையிலும்

விரல்களுக்கிடையிலும்

ஏதோ பொங்கியது

ஒடிந்த முருங்கை காய்க்கு

முட்டுக்கொடுக்க

கானல் வீரர்களின் பெருங்கூட்டம்.

ஆடதொட தொடும்

ஊமத்தம் பூ பார்த்து

தும்பை பூ பல்லிளித்தது

குறை நயபித்த

ஆடதொட தொடும்

கானாக் கண்டு வந்த வழி பார்த்து நின்றது.