நீயெனும் சொல்லுள் மிதக்கும்

மின்னல் இழை இறுத்திச் செல்லும்
நிவரும் பச்சை மலை வெள்ளிக்கொள்ள செங்குத்துச் சாய்சாரல் தட்டியதிர
மெல்லிலை அலங்கி விம்மி விசிற

வெற்றுத்தரை சேகரித்த வெளிர்
ஓரம் தெரியா இருப்பதை நடத்தும்

தன்னிலை பெருக்கமுற முன்னிலை
இருக்கும் நீயெனும் சொல்லுள் மிதக்கும்
பன்மை விலகல் கடைநிலம் செல்லும் வழியெல்லாம் படியும் வண்டல் போல்.